Dini Lehr bi Raiffise
«Din Wäg. Dini Zuekunft.»
Hesch du Freud am Kundekontakt und e Flair für Zahle? Suechsch du e familiäre Usbildigsbetrieb wo du in jedere Abteilig persönlich betreut wirdsch und d‘Zuekunft mitgstalte chasch?
Denn investier in dini Zuekunft und gang din Wäg mit dr Lehrstell bi dr Raiffisebank Rynach.
«Jede Afang isch schwer, aber dRaiffisebank Rynach schätzt dini Individualität und bringt dich brueflich, wie au persönlich witer.» Jasmine Hirt, Lernende Raiffisebank Rynach 2022
Jasmine Hirt - Lernende Raiffisebank Rynach 2022
«D Usbildig inere Bank isch öppis speziells. S’erste Mol stunend Geld zähle, sin erste Kund berote und s’erste Mol e Aktie kaufe.
Als Banklehrling beschäftigsch du dich mit dem, was für vieli Mensche eins vo de wichtigste Sache isch - „ihrem Geld“. Das setzt vorus, dass du verantwortigsbewusst und transparant handlisch. Als "Bänker" unterstützisch du dini Kunde in sämtliche Vermögensfroge. Zuedem wirdsch lerne wie d’Wirtschaft und wie vieles meh in de Welt rund ums Geld funktioniert.
Egal öb du dis Lebe lang innere Bank schaffe willsch oder Intresse dra hesch dis eigene Geld fer di lo z'schaffe und optimalerwis z’vermehre, e Banklehr lohnt sich uf jede Fall!»
Was chasch vo uns erwarte?
«Raiffisebank Rynach - e gnosseschaftlichi Bank, wo für ihri Kunde und Mitarbeitende nur s’Beste will.»
Jasmine Hirt, Lernende Raiffisebank Rynach 2022
Persönlichi Betreuig
In jedere Abteilig bechunnsch du e persönlichi und praxisnochi Betreuig durch de jewils für dich zueständigi Mitarbeitende.
Zuekunft mitgestalte
Unseri Lernende sind die zuekünftige Fach- oder Füehrigskräft. Doher dörfsch du d’Zuekunft vo Raiffise mitgstalte, indem du dini Idee ibringe und au selbstständig Kunde berote dörfsch.
Netzwerk ufbaue
Mit dir absolviere glichzitig rund 600 anderi Lehrling, über alli drei Lehrjohr und Lehrbruef gseh, ihri Banklehr bi Raiffise in de ganze Schwiz. Somit chasch du dich innerhalb vo Raiffise mit andere Lernende ustusche und dir es Netzwerk ufbaue.
Vilisitige Iblick
Du bechunnsch en Iblick in verschideni Abteilige und Ufgobegebiet vom Banking inklusiv Personal und Marketing.
Highlights bi Raiffise
Nebe de verschiedene Arbeitsisätz git’s während de Raiffise Lehr viel z’erlebe, zum Bispiel bim jöhrliche, gmeinsame Lernende Usflug vo de Region Nordwestschwiz oder in de verschiedene Raiffise-Seminar.
Dini Zuekunft bi Raiffise
Lehrabgängerinne und –abgänger sind gschätzti Arbeitskräft bi Raiffise. Dorum git’s bi uns nach de Lehr verschiedeni Möglichkeite d’Zukunft vo Raiffise witerhin mitzgstalte und sich witerzentwickle.
So gseht dini Lehrzit bide Raiffisebank Rynach us
Während dinere 3-jöhrige Usbildig wirdsch du in folgende Arbeitssituatione igsetzt, damit du e ganzheitliche Iblick ins Banking bechunnsch:
- Bankkunde empfange und witervermittle
- Bankkunde berote
- Bankkunde über digitali Kanäl unterstütze
- Assistiere in dr Berotig vo Kunde
- Bankgschäft administrativ vorbereite und verarbeite
Nebe de klassische Arbeitssituatione im Banking wirdsch du au folgendi Banktheme in diner Usbildig bi uns atreffe:
- Marketing
- Personalmanagement
Parallel dezue bsuechsch du 1-2 Täg pro Wuche d Bruefsfachschuel in Liestel oder Basel sowie rund 1 Mol pro Monet die überbetribliche Kürs im CYP - es Kompetenzzentrum fürs moderne Bankfachwüsse.
Willsch dich no witer informiere? Denn wirdsch do fündig;
- Allgemeini Informatione zur Banklehr: www.banklehre.ch
- Allgemeini Informatione zur kaufmännische Grundbildig: www.kaufmännische-grundbildung.ch
- Informatione zu de überbetribliche Kürs: www.cyp.ch
Die Vorussetzige söttisch du sicher mitbringe
- Abgschlosseni höchsti Volksstuefe mit guete Schuelnote (Sekundarschuel im Niveau E oder P)
- Freud am Kundekontakt und Arbeit in verschiedene Teams sowie Kommunikationsfähigkeit
- Interessi am Bankgschäft und an wirtschaftliche Zämmehäng
- Interessi am Umgang mit digitale Medie
- Zueverlässigkeit, offe für Neus, Lernbereitschaft und Engagement